"2021nçe yılda koronavirus oçraqları kimer dip ışanabız"

İlbaşı Räcäp Tayyip Ärdoğan koronavşrusqa qarşı Qıtayda yasalğan vakśinanıñ Törkiyägä 3 million danä kiterelüen häm monıñ däwamı bulaçağın citkerde. Ul İstanbulda Ayasofiya mäçetendä comğa namazı qılğannan soñ belderülär yasadı.

Ärdoğan 2020nçe yılnıñ barlıq keşelär öçen awır uzuın häm yuğaltular belän tulı buluın, Kovid-19ğa qarşı yasalğan vakśinalar yärdämendä alğa kiteş kötelüen äytte.

“Söyläşülär näticäsendä Qıtaydan 3 million vakśina kilde häm monıñ däwamı bulaçaq. Maqsatıbız 50 million. Monıñ belän bergä Germaniyädän dä vakśina kötäbez,”-dide ul. İlbaşı, monnan tış, Germaniyä belän vakśinanı bergä yasaw turında söyläşülär alıp barıluın da äytte. “Bu mäs’älädä TÜBİTAK (Törkiyä fänni häm texnologik tikşerenü oyışması) üz êşçänlegen alıp bara. Uñay üzgäreşlär bar. Şul uq räweşle Rusiyä belän dä êşçänlek alıp barıla. Östäwenä, Törkiyäneñ üze genä alıp barğan êşläre dä bar. Qabul itelgän çaralar yärdämendä 2021nçe yılda koronavirus oçraqları kimer dip ışanabız,”-dip söyläde Ärdoğan.