Törkiyä Angliya belän AB kileşüennän qanäğät

Törkiyä Angliya belän Awrupa Berlege arasında “Breksit”tan soñ (Angliyanıñ Awrupa Berlegennän çığuınnan soñ) mönäsäbätlärneñ kiläçägenä qağılışlı söyläşülärdä atnakiçen kileşügä ireşelüen qanäğät’lelek belän qarşılanıluın belderde.

Tışqı êşlär ministrlığınnan yasalğan yazma belderüdä bu kileşüneñ Angliya belän här ölkädä yaqın êlemtädä bulğan, ber ük waqıtta Awrupa Berlege namzät ile häm Awrupa Berlege belän Tamğaxanä berlegenä iyä Törkiyägä häm Awrupa Berlege häm Angliya belän mönäsäbätläre cähätennän yaña forsatlar täq’dim itäçägenä ışanış buluı citkerelde.

Belderüdä: "Böyek Britan belän Awrupa Berlege arasında Breksittan soñ mönäsäbätlärneñ kiläçägenä qarağan söyläşülärdä kileşügä ireşelüenä bik şatbız”, - dip äytelde.

Ayıruça belderüdä bu qısada Angliya belän Törkiyä arasında İrekle säwdä kileşüenä imza saluğa qağılışlı äzerleklärdä soñğı êtapqa citelüe assızıqlandı.