Çavuşoğlu: “Pandemiyağa qaramastan tışqı säyäsättä iniśiativanı qulıbızda tottıq”

Mäwlüt Çavuşoğlu Xalıqara mönäsäbätlär şurası oyıştırğan "15nçe İminlek akademiyası: Törkiyäneñ iminlek problemaları häm säyäsätläre” isemle yomğaqlaw çığışında onlayn qatnaştı.

“Kovid-19” barışında şaqtıy ildä sälamätlek saqlaw sistemasınıñ tarqaluın diyärlek assızıqlawçı Çavuşoğlu: "Citeşterü köçebez näticäsendä töp kön-küreş häm mediśina äyberlärenä ireşüdä nindi dä bulsa ber problema yäşämädek, näq’ kiresençä şaqtıy ilgä yärdäm dä ittek”, - dip äytte.

Çavuşoğlu, kizü çorında tışqı säyäsät ölkäsendä hiçber buşlıq qaldırmawların assızıqlap: "Süriyä, Liviya, Könçığışl Urta diñgez, Kipr häm Yuğarı Qarabax kebek möhim mäs’älälärdä pandemiyağa qaramastan iniśiativanı üz qulıbızda tottıq”, - dip belderde.

Ministr Çavuşoğlu Törkiyäneñ dönya külämendä iñ kiñ 5nçe diplomatik çeltärgä iyä buluın häm humanitar üseş yärdämnärendä dä pandemiyadan äwwäl häm pandemiya çorında iñ äydäp baruçı il buluına basım yasadı.

Yuğarı Qarabax mäs’äläsenä dä tuqtalıp uzuçı Çavuşoğlu: "Yuğarı Qarabax mäs’äläsendä kilep citelgän êtapta Azärbaycan belän koordinaśiya räweşendä Ärmänstan belän yaña säxifäne aça alabız. Ärmänstan utnı tuqtatunı ütägän, ber ük räweşle Azärbaycannıñ cir bötenlegenä xörmät kürsätkän oçraqta häm utnı tuqtatu daimi bulsa mönäsäbätlärne cayğa salu mäs’äläsendä häm Azärbaycan-Ärmänstan bularaq häm Törkiyä-Ärmänstan bularaq kiräkle adımnarnı yasarbız. Bu barıştan iñ küp faydalanuçı da Ärmänstan xalqı bulaçaq”, - dip äytte.