Çavuşoğlu: "AQŞnıñ sankśiya qararı xoquqi yaqtan da, säyäsi bularaq ta yalğış adım"
Tışqı êşlär ministrı Mäwlüt Çavuşoğlu Amerika Quşma Ştatlarınıñ sankśiya qararınıñ xoquqi häm säyäsi yaqtan yalğış adım buluın äytte
Çavuşoğlu qatnaşqan ber televideniye tapşıruında AQŞnıñ Törkiyägä qarata qullanğan çikläwlär belän bäyle açıqlaw yasadı.
Ministr Çavuşoğlu: "AQŞnıñ sankśiya qararı xoquqi yaqtan da, säyäsi bularaq ta yalğış adım. Ber ilneñ ber yaqlı bularaq qabul itkän qarar. Törkiyäeñ yäki başqa ber ilneñ möstäqillek xoquqlarına höcüm”, - dip belderde.
Çavuşoğlu: "Çikläwlärneñ êçtälegenä qarağan çaqta bezne bik teträtäçäk, bik tiskäre täêsir itäçäk sankśiya tügel. Kire adım bulaçaq bulsa ide, xäzergä çaqlı bulır ide. Sankśiyälärneñ yoğıntıları nindi, iptäşlärebez yaxşılap tikşerä häm, älbättä, moña yaraşlı adımnarıbıznı da yasayaçaqbız”, - dip äytte.
Mäwlüt Çavuşoğlu Amerika Quşma Ştatları belän mönäsäbätlärneñ cayğa salınuı öçen Törkiyäneñ kötkännäreneñ ütälüeneñ zarurlığın da assızıqladı.
