Akar belän Çavuşoğlu Ukrainağa kitä

Törkiyä milli saqlanu ministrı Xulusi Akar häm tışqı êşlär ministrı Mäwlet Çavuşoğlu Ukrainağa säfär qıla. Anda 9nçı Yuğarı däräcäle strategik şura cıyılışı öçen xäzerleklärne söyläşäçäklär. Monıñ öçen Törkiyä häm Ukrainanıñ tışqı êşlär häm saqlanu ministrları “2+2” formatındağı utırış oyıştıra.

Törkiyäneñ tışqı êşlär ministrlığınnan yasalğan belderüdä Akar häm Çavuşoğlunıñ bu utırışta qatnaşu öçen 17nçe-18nçe dekabr’dä Ukrainağa räsmi säfär yasayaçağı häm oçraşularda, başlıça, sänäğat’ proyektları xaqında süz baraçağı belderelde. Monnan tış, ministr Çavuşoğlu Ukrainadağı qırım tatarları häm gagauz avtonomiyäle cämğıyät’läre wäkilläre belän küreşäçäk.