Çavuşoğlu-Szijjarto urtaq matbuğat oçraşuı
Tışqı êşlär ministrı Mäwlüt Çavuşoğlu Awrupa Berlege belän bulğan problemalarnıñ barı tik dialog häm diplomatiya belän xäl itelä alınaçağın äytte
1541763
Çavuşoğlu räsmi säfär belän Törkiyägä kilgän Macarstan (Vengriya) tışqı êşlär häm tışqı säwdä ministrı Peter Szijjarto belän başqala Änkarada urtaq matbuğat oçraşuın oyıştırdı.
Mäwlüt Çavuşoğlu cıyılışta yasağan çığışında Greśiya belän bäyle mäs’älälärdä Awrupa Berlegeneñ döres aradaşçılıq rolen üz östenä aluınıñ zarurlığın belderep: Awrupa Berlege belän problemalarnı barı tik dialog häm diplomatiya belän xäl itä alırbız”, - dip äytte.
Macarstan (Vengriya) tışqı êşlär ministrı Szijjarto ta, çığışında Awrupanıñ iminlegendä Törkiyäneñ rolenä iğ’tibarnı yünältep: "Teläsälär oşatsınnar, telämäsälär, oşatmasınnar, Awrupanıñ iminlege möhim däräcädä Törkiyäneñ qulında”, - dip belderde.
