Törkiyӓ Ӓfganstandağı terror höcümen ğayeplӓde
Tışqı êşlӓr ministrlığı:"Äfganstan xalqı hӓm xökümӓteneň qayğısın urtaqlaşabız"
1536456
Törkiyӓ Ӓfganstanda kiçӓ oyıştırılğan terror höcümen ğayeplӓde.
Tışqı êşlӓr ministrlığınıň bu xaqtağı yazma belderüendӓ ilneň Ğaznӓ vilayӓtendӓ başqarılğan terror höcümendӓ kübese iminlek xezmӓtkӓrlӓre bulu belӓn bergӓ küp sanda keşeneň ğomere özelüe hӓm yaralanuınıň borçu tudıruı citkerelde.
“Höcümne ğayeplibez. Terror höcümendӓ ğomeren yuğaltqannarğa Allahtan yarlıqaw, yaralanğan keşelӓrgӓ şifalar telibez. Ӓfganstan xalqı hӓm xökümӓteneň qayğısın urtaqlaşabız. Bez Ӓfganstandağı tınıçlıq tırışlıqlarınıň uňışqa ireşüe öçen kiň qırlı hӓm tiz arada utnı tuqtatu çaqıruıbıznı qabatlıybız” diyelde tışqı êşlӓr ministrlığı belderüendӓ.
