“Ciňüçene qotlar öçen saylaw nӓticӓlӓreneň rӓsmi rӓweştӓ bilgele buluın kötӓbez”
Bu xaqta “Ğadӓlӓt hӓm qalqınu” partiyӓse süzçese Ömӓr Çӓlik belderde
1524830
“Ğadӓlӓt hӓm qalqınu” partiyӓse süzçese Ömӓr Çӓlik başqala Ӓnkarada partiyӓneň ğomum üzӓgendӓ matbuğat oçraşuı ütkӓrde.
Djo Baydennıň AQŞnıň yaňa ilbaşı bulıp saylanuı turındağı sorawğa ul bolay dip cawap birde:“Amerika Quşma Ştatlarındağı ilbaşı saylawın hӓm annan soňğı bӓxӓslӓrne yaqınnan küzӓtep barabız. Saylaw nӓticӓlӓre rӓsmi rӓweştӓ bilgele bulğannan soň Törkiyӓ Amerika xalqı hӓm demokratiyӓsenӓ xörmӓt kirӓgençӓ ciňüçene tӓbrik itӓçӓk. Bez saylaw nӓticӓlӓreneň rӓsmi rӓweştӓ bilgele buluın kötӓbez. Anda qaysı yaq ciňsӓ dӓ Törkiyӓneň aňa kürӓ ӓzerleklre bar. Törkiyӓ ilbaşı bulıp saylanğan keşe hӓm xakimiyӓtenӓ turı kilgӓn sӓyӓsi çaralar, sӓyӓsi kön tӓrtibe belӓn bergӓ êşlӓyӓçӓk”.
