Törkiyä Franśiyädä din ähelenä höcümne ğayepläde

Törkiyä Franśiyäneñ Lion şähärendäge pravoslaviye çirkäwe arxiyepiskobına yasalğan höcümgä qatğıy rizasızlığın belderde.

Tışqı êşlär ministrlığınnan yasalğan açıqlawda höcümdä awır yaralanğan din äheleneñ tizräk terelüen häm mondıy ğamällärneñ tuqtatıluın teläw citkerelde.

“Terrorçılıqnıñ törlese belän yıllar buyı köräşüçe däwlät bularaq franśuz xalqı häm Franśiyädä yäşäwçe pravoslaviye cämäğat’çelegeneñ borçuların urtaqlaşabız. Terrorçılıqqa qarşı köräştä teläktäşlek küsätüebezne belderäbez,”-diyelä anda.  

Kiçä Franśiyäneñ Lion şähärendä Grek pravoslaviye çirkäwe yänäşäsendä höcüm buldı. Beräw awçı mıltığı belän din ähelenä atıp qaçtı.