Ülüçelär sanı 28 buldı

İzmirneñ Seferihisar ilçäse sulıqlarında kiçä barlıqqa kilgän 6,6 ball zurlığındağı cirteträwdä ğomere özelüçelär sanı 28gä, yaralanuçı sanı 885kä citte.

Afät häm ğadättän tış xällär räislege kiçä Törkiyä waqıtı belän 14 sägät’ 51 minutta Ägäy diñgezendä, İzmirneñ Seferihisar ilçäseneñ 17 çaqrım su kiñlegendä 6,6 ball zurlığında zilziläneñ küzätelüen açıqladı.

Cirteträwneñ 16,54 çaqrım tiränlektä barlıqqa kilüe bilgelände.

Zilzilädän soñ şähärdä şaqtıy bina zıyan kürde.

Törkiyäneñ sälamätlek saqlaw ministrı Faxrettin Koca İzrmirdäge cirteträw belän bäyle açıqlawında: “28 keşeneñ ğomere özelde, 7ese reanimaŝiyada, 243e däwalana,” – dip belderde.

Töbäktä xäräbälär astında qaluçılarnıñ qotqarıluı öçen êşçänleklär däwam itä.