Törkiyä Franśiyäneñ qayğısın urtaqlaşa
Franśiyäneñ Niśśe şähärendä bügen ğıybadätxanädä 3 keşe üterelde
Törkiyä Franśiyäneñ Niśśe şähärendä bügen bulğan häm 3 keşeneñ ülemenä kitergän pıçaqlı höcümne ğayepläde. Bu xaqta ilneñ tışqı êşlär ministrlığınnan yasalğan belderüdä äytelä. “Höcümdä ğomere özelüçelärneñ yaqınnarınıñ qayğısın urtaqlaşabız, yaralılarğa şifa telibez. Bernindi säbäp tä keşe ğomeren özüne häm köç qullanunı aqlıy almıy. İzge ğıybadät urınında mondıy wäxşi ğamäl qıluçılarnıñ dini, keşelek, äxlaq qıymmätlärennän öleş almawı açıq,”-diyelä anda.
Belderüdä Törkiyäneñ terrorçılıqnıñ küp töre belän köräşkän häm terrorçılıq arqasında watandaşların yuğaltqan däwlät ikänlege, şuña da Niśśe şähäre häm böten Franśiyä xalqı belän terrorçılıq häm köç qullanuğa qarşı teläktäşlek belderüe assızıqlana.
Franśiyäneñ Niśśe şähärendä Notr-Dam soborına bügen beräw pıçaq belän kerä. Ul 3 keşeneñ ğomeren özä, bik küp keşene yaralıy.
