“Törkiyӓ çik buyında terror dӓwlӓte buldıruğa röxsӓt itmӓyӓçӓk”

Törkiyӓ ilbaşı Racӓp Tayyip Ӓrdoğan Kayseridӓ “Ğadӓlӓt hӓm qalqınu” partiyӓseneň 7 nçe kongressında çığış yasadı.

İlbaşı soňğı dӓwerdӓ Süriyӓneň Ğıyraq çik buynda yaňa terror oyışmasınıň üz êşçӓnleklӓren tizlӓtüen,anda terror dӓwlӓte buldırırğa omtıluın belderde.

Ӓrdoğan: "Törkiyӓ çik buyında mondıy terror dӓwlӓtenӓ berqayçan da röxsӓt itmӓyӓçӓk. Nӓrsӓ kirӓk bulsa şunı êşlӓyӓçӓk hӓm bu terror sazlığın kipterӓçӓk. Bu mӓs’ӓlӓneň berlektӓşlek, duslıq belӓn bernindi bӓylӓneşe yuq. Ӓgӓr bezneň qarşıbızdağılar çınnan da bezneň berlektӓşlӓr ikӓn, bez alarnıň hӓr mӓs’ӓlӓne üzlӓreneň qarap çığuların hӓm nӓticӓlӓrenӓ xörmӓt belӓn qarawların kötӓbez. Şulay uq Könçığış Urta diňgezdӓ Greśiya hӓm Grek yağına birelü urınına xoquq, qanun yanında urın alırğa kirӓk. Urta diňgez kartasına küz salu da Törkiyӓneň xaqlı buluın kürsӓtӓ”,-dide.

Üz çığışında Awrupada İslam doşmanlığınıň arta barına da tuqtalğan Ӓrdoğan Germaniya başqalası Berlinda mӓçetkӓ oyıştırılğan tentü xaqında tübӓndӓgelӓrne citkerde: “Germaniyӓdӓ mӓçettӓ poliśiya belӓn tentü ütkӓrü – İslam doşmanlığı. Möselman watandaşlarınıň xoquqlarına bu rӓweşle höcüm itep Awrupa faşizmı yaňa êtapqa kütӓrelde. Awrupa möselmannarğa qarşı front açıp üz axırın ӓzerli. Ӓgӓr alar monnan tizrӓk qotılmasalar, bu awıru böten Awrupanı êçtӓn tarqatır”.

Törkiyӓ ilbaşı Ӓrmӓnstannıň Azӓrbaycanğa qarata höcümnӓre belӓn bӓyle, “Bügen irtӓn Azӓrbaycan ilbaşı İlham Aliyev belӓn söylӓştek. Xӓzerge waqıttta azӓrbaycan qardӓşlӓrebez basıp alınğan cirlӓrgӓ taba bara. Ul cirlӓrne kire qaytara başladılar “dide.