Ärdoğan Änkaranıñ başqala bulu köne belän qotladı

Törkiyä ilbaşı Räcäp Tayyip Ärdoğan Änkaranıñ 1923nçe yılnıñ 13nçe oktyabrendä başqala bularaq iğ’lan itelüe köne uñayınnan yullama yasadı.

Ul bäysezlek köräşeneñ ştabı, Törkiyäneñ irege häm kiläçäge öçen qararlar çığaru häm idarä üzäge bulğan şähärneñ başqalağa äwerelü datası belän  qotladı. Täbriknamädä şundıy yullar bar.

“Milli köräş (1919-1923) häm Törkiyä cömhüriyäteneñ tözeleşe çorında Änkara tarixi rol’ uynadı. Bügen dä ul üzendä xalqıbız ixtiyarınıñ çağılışı bulğan Törkiyä Böyek Millät mäclesennän başlap barlıq däwlät oyışmaların sıyındırıp ilebez öçen ähämiyätle urın bulıp tora.

Bu istälekle häm mäğ’näle köndä cömhüriyätkä nigez salğan ğazıy Mostafa Kämal Atatörektän başlap barlıq Milli Köräş kaharmannarıbıznı, şähitlärebez häm gazıylarıbıznı xörmät häm räxmät belän iskä alam, Änkaranıñ başqala bulğan köne belän qotlıym, watandaşlarıbıznı çın küñeldän sälamlim,”-diyelä täbriknamädä.