Azärbaycan telägän oçraqta Törkiyä yärdäm itüdän tartınmayaçaq

Çavuşoğlu Rimda italian wazıyfadaşı Luigi Di Maio belän oyıştırğan matbuğat oçraşuında Azärbaycan häm Ärmänstan arasında yäşängän bäreleşlärgä tuqtalıp uzdı.

Törkiyäneñ härwaqıt bu mäs’äläneñ tınıç yullar belän, Berläşkän Millätlär Oyışması İminlek Şurası qararları qısalarında xäl itelüen yaqlawın xäterlätüçe Çavuşoğlu: "Fäqät bügengä qadär ber adım yasalmadı. Azärbaycannıñ üz cirlären kire ala alaçaq köçe bar. Azärbaycannıñ utnı tuqtatunı iğ’lan itä aluı öçen Ärmänstannıñ çigenüe kiräk. Bügengä qadär Azärbaycannıñ bezdän anıq ber taläbe bulmadı, läkin kem närsä genä äytmäsen, bez yärdäm itärbez”, - dip äytte.

Ärmänstan belän Azärbaycan arasındağı Tawlı Qarabax mäs’äläseneñ çişelmäwçänlegeneñ Ärmänstannı "qıyulandıruın" häm "höcüm itärgä täşviq itüen” assızıqlawçı Çavuşoğlu monıñ şuşılay däwam itä almayaçağına häm bu problemanıñ tamırdan çişärgä kiräk buluına basım yasadı.

Çavuşoğlu xalıqara cämäğätçelek närsäder êşlärgä teli ikän Ärmänstannı şunda uq Azärbaycan cirlärennän çigüe zarurlığın äytte.

Ministr Çavuşoğlu moña qağılışlı böten tırışularnı da Törkiyä bularaq yaqlayaçaqların assızıqladı.

Çavuşoğlu, töbäktä tınıçlıqnıñ häm totrıqlılıqnıñ iñ küp Ärmänstannıñ faydasına bulaçağın belderep: "Tınıçlıq häm xozurmı, yuğıysä suğışnı saylıysıñmı? Ärmänstannıñ bu mäs’älädä qararğa kilüe zarur”, - dip äytte.

Könçığış Urta diñgezdäge täräqqiyätlärğä dä tuqtalıp uzuçı tışqı êşlär ministrı: "Awrupa Berlege global’ ber oyışma bulırğa teläsä, Greśiyağa sin yalğışasın dip äytä alırğa tiyeş. Bez yaxşı niyätle buluıbıznı qayber jestlar belän kürsättek. Xaq-xoquqlarıbıznı saqlaw mäs’äläsendä dä qatğıy buluıbıznı kürsättek. Gadel büleşü öçen bergäläp êşlik. Biredä Awrupa Berlegeneñ yulı möhim,” – dip belderde.