Ärdoğan grek gazetın mäxkämägä birde

Räcäp Tayyip Ärdoğan üzeneñ avdokatı arqılı Greśiyäneñ “Dimokratia” gazetınıñ xucasın, möxärrirlärne häm näşer itüçelären mäxkämägä birde. Anda Törkiyä ilbaşın mısqıllawçı häm sügenü süzläre kergän başmäqalä çıqqan ide.

Şiqayät’tä mondıy yullar bar: “Greśiyä gazetında möxtäräm ilbaşına qarata qullanılğan süzlär faciğale äxlaqıy tarqalunıñ iñ yäm’sez küreneşlärennän berse. Grek cämäğat’çelegeneñ tawış-tın çığarmawına qarağanda, bu äxlaqıy tarqalunıñ  marginal’ qatlamnar belän genä çiklänmäwe añlaşıla”.

“Sügenü – äyterlek süze bulmawçılar yäisä süzen mönasıyp tel belän citkerü sälätenä iyä bulmawçılar tele. Sügenü – adreslanğan zat tügel, äytkän keşe öçen oyatqa qaldıruçı häm xurlıqlı ğamäl. Bu xurlıqlı ğamälneñ maqsatı barı ilbaşınıñ şäxese tügel, ilbaşınıñ Könçığış Urta diñgez häm Utrawlar diñgezendä nıqlı räweştä yaqlağan millätebez mänfäğate,“-diyelä şiqayät’tä.