Rusiyä turistları Törkiyädä cäyne ozayta
Köz köne yal itärgä kilergä teläwçelär sanı avgusttağıdan kübräk
1490493
Rusiyä turistlarınıñ Törkiyädä yal itü taläbe köz köne artaçaq dip farazlana. İlneñ turoperatorlar berlegennän citkerülärençä, koronavirus kizüe säbäple Törkiyädä kertelgän saqlanu çaraları turistlarnı qurqıtmıy. Anda Törkiyäneñ bıyıl çit il kurortların saylawçılar arasında östenlek itüe assızıqlana.
“Operatorlardan alınğan mäğ’lümatlarğa qarağanda, Rusiyädän Törkiyägä turist ağımı sentyabr’dä, avgust belän çağıştırğanda, tağın da artığraq bulırğa mömkin. Kizüneñ ikençe dulqını belän bäyle psixologik busağanı uzuğa, turistlar oktyabr’ häm noyabr’dä Törkiyädä cäyne êläkterep qalırğa tırışaçaq,”-diyelä belderüdä.
Törkiyä uzğan yıl yaqınça 7 million Rusiyä turistın qunaq itte. Ul älege il watandaşları iñ küp kilüçe urınnar arasında ide.