Änkarada bäyräm çaraları

Törkiyädä Cinüneñ 98 yıllığına bağışlanğan räsmi çaralar Anıtkaberdä başlandı. İlbaşı Räcäp Tayyip Ärdoğan citäkçelegendäge däwlät êşlekläre  Atatörekneñ mavzoleyena bardı.

Anda Ärdoğan Anıtkaber İstälek däftären imzaladı. Ul mondıy yullar yazdı: “Ğaziz Atatörek, Zur Ciñüneñ 98 yıllığında sezne häm ğaziz şähitlrebezne tağın ber qat räxmät belän iskä alabız. Bezgä ämanät itep qaldırğan Törkiyä cömhüriyäten üzterü, nığaytu öçen tırışabız. Cömnhüriyätebezneñ 100 yıllığı bilgeläp üteläçäk 2023nçe yılğa iq’tisadi, xärbi, säyäsi häm diplomatik küzlektän tağın da köçle, tağın da bäysez, tağın da görläp üsüçe däwlät bularaq kerergä niyätebez nıq. Süriyädän Liviyägä, Qara diñgezdän Könçığış Urta diñgezgä qadär törle mäydannarda qulıbızğa töşergän kritik uñışlar ilebezneñ xoquq häm mänfäğat’lären saqlaw mäs’äläsendäge ixtiyar köçebezneñ iñ açıq kürsätkeçe. Ruxıñ şat bulsın”.  

Ärdoğannıñ Anıtkabergä zıyaräte belän başlanğan bäyräm çaraları kiçkä qadär däwam itäçäk.  

Ciñü bäyräme uñayınnan İlbaşı kölliyäse östendä 300 keşesez hawa apparatı belän yaqtılık şowı oyıştırılaçaq. Şunda uq xärbi orkestr belän milli saqlanu ministrlığınıñ mexteran berlege maxsus konśert oyıştıraçaq. Ul sośial’ çeltärlär häm telekanallar aşa translyaśiyälänäçäk.