”Törkiyӓne global’ citeşterü hӓm texnologiya üzӓgenӓ ӓwerelderergӓ telibez”

Törkiyӓ ilbaşı Rӓcӓp Tayyip Ӓrdoğan texnologiya üzӓge hӓm êşxanӓlӓr açu tantanasında çığış yasadı.

İlbaşı Kovid -19 êpidemiyӓsenӓ qaramastan investiśiyӓlӓrne tuqtatmawları turında belderep, Törkiyӓ şirkӓtlӓreneň bu dӓwerdӓ sıyfatlı êşlӓnmӓlӓre, köndӓş bӓyӓlӓre hӓm ışanıçlılığı belӓn ayırılıp toruların ӓytte.

Ӓrdoğan: “Böten dönyada êpidemiyӓneň yoğıntısı kimep, barnӓrsӓ cayğa salınğaç, Törkiyӓneň üseş templarınıň artuına ömetlӓnӓm”,-dide.  

İlbaşı Törkiyӓne global’ citeşterü hӓm texnologiya üzӓgenӓ ӓwerelderüdӓ qatğıy buluların belderep, “Bez êksportnı arttırıp qına qalmıyça anıň sostavın da üzgӓrttek”,-dide.

Ӓrdoğan Törkiyӓneň bügenge köndӓ satıp alu paritetına kürӓ dönyanıň iň zur 13 nçe ile buluın belderde.

Qara diňgezdӓge zur külӓmle tabiği gaz açışları, Könçığış Urta diňgezdӓge seysmik tikşerenülӓr belӓn kön tӓrtibenӓ kilüneň sabırlıq, tırışlıq hӓm imannıň nӓticӓse buluın assızıqladı.

İlbaşı Törkiyӓneň awıl xucalığı tabışında Awrupada lider il buluına da basım yasadı.