"Törek milläte qardäş Azärbaycan yanında"

Çit illärdäge töreklär häm tuğandaş cämğıyätlär YTB başlığı Abdullah Ärän Azärbaycandağı Diaspora êşläre däwlät komitetı başlığı Fuad Muradov belän online cıyılış ütkärde.

Azärbaycandağı Diaspora êşläre däwlät komitetı başlığı Fuad Muradov belän online cıyılışta küreşkän Çit illärdäge töreklär häm tuğandaş cämğıyätlär başlığı Abdullah Ärän: “Ber millätneñ ike diasporası bulmas. Törek milläte dön’yanıñ qaysı cirendä genä bulsa da, härwaqıt ber häm berdämber, dus häm qardäş Azärbaycan yanındadır,” – dide.

Azärbaycandağı Diaspora êşläre däwlät komitetı başlığı Fuad Muradov belän ütkärelgän cıyılıştan soñ Azärbaycan matbuğatına açıqlaw yasağan Abdullah Ärän cıyılışta ike il diasporaları arasındağı xezmättäşlekkä häm Ärmänstannıñ Azärbaycan cirlärenä höcümnärenä tuqtaluların belderde.

Ärmänstannıñ çirqanıç höcümnärendä yaqtı dön’yadan kitkän barlıq şähitlärgä Allaxı Täğalädän yarlıqaw sorağan Abdullah Ärän Ärmänstannıñ höcümnären isä qırıs räweştä ğayepläwlären äytte.

Törkiyä ilbaşı Räcäp Tayyip Ärdoğan belän Azärbaycan däwlät başlığı İlham Aliyev liderlığında ike il arasındağı yaqın mönäsäbätlärgä ike ilneñ bäyläneşle diaspora oyışmaları bularaq öleş kertergä tırışuların beldergän Abdullah Ärän bu xosusta ayıruça soñğı 2 yıl buyı möhim êşçänleklär başqaruların açıqladı.

“Törek Şurası qısalarında Törkiyädä diasporadan cawaplı komitet başlıqları cıyılışı uzdırdıq. Berlinda, N’yu-Yorkta diasporalarımıznı oçraştıruçı ictimağıy oyışma cıyılışları ütte. Xezmättäşlegebezne arttıruğa qarağan êşçänleklärebezne däwam itteräbez,” – digän Ärän Çit illärdäge töreklär häm tuğandaş cämğıyätlär räislege Törkiyä stipendiyaläre qısalarında Törkiyädä belem aluçı Azärbaycan studentlarına da zur ähämiyät birülären äytte.

Dön’yanıñ törle cirlärendäge Törkiyä häm Azärbaycan diasporalarınıñ Ärmänstannıñ qıyırsıtuçı xäräkätlärenä qarşı urtaq reakŝiya kürsätep, Ärmänstannıñ Azärbaycan cirlären xaqsız yawlawın bar dön’yağa bergä añlatularına iğtibar cälep itkän Abdullah Ärän bolay dide: “Ber millätneñ ike diasporası bulmas. Törek milläte dön’yanıñ qaysı cirendä genä bulsa da, härwaqıt ber häm berdämber, dus häm qardäş Azärbaycan yanındadır,” – dide.

Soñğı itep Törkiyäneñ Ärmänstan höcümnärenä qarşı iñ baştan reakŝiya kürsätüen häm törek xalqınıñ da härwaqıt Azärbaycan belän bergä buluın xäterlätkän Ärän Törkiyäneñ diaspora oyışması bulğan Çit illärdäge töreklär häm tuğandaş cämğıyätlär räislegeneñ dä êşçänlekläre belän Azärbaycan häm Azärbaycan xalqı däğwası yanında bulaçağın äytte.