Ärdoğan êkskavator yörtep qaradı
Tulısınça tawışsız êşli torğan älege texnikağa yağulıq kiräk tügel
İlbaşı Räcäp Tayyip Ärdoğan Törkiyä fänni häm texnologik tikşerenü institutı TÜBİTAK yärdäme belän êşläp çığarılğan cirle häm milli täwge êlektrlı êkskavatornı yörtep qaradı. Ul Kocaelineñ Gäbzä rayonında TÜBİTAK aldınğı täcribä üzäkläre açılış tantanasında qatnaştı. Ärdoğannı sänäğat’ häm texnologiyä ministrı Mostafa Varank ozatıp yörde.
Êlektrlı texnikanıñ proyekt êşçänlege 2016nçı yılda başlanğan ide. Älege êkskavator 2021nçe yıl axırında küpläp citeşterelä başlayaçaq. Ul tulısınça tawışsız êşli. Bu isä şähär êçendä ayıruça zur uñaylıq tudıra.
Êkskavator êlektr yöklängännän soñ 8 säğat’ tuqtawsız êşli ala.
Tantanada sänäğat’ häm texnologiyä ministrı Varank belderü yasadı. “2023nçe yılğa qadär üzebezgä nıqlı maqsatlar quydıq. Milli keremdä citeşterü tarmağınıñ öleşen 21%qa, tikşerenü häm üseşkä çığımnarnı 1,8%qa, bu taqmaqlarda êşläwçelärne dä 200 meñ keşegä citkeräçäkbez,”-dide ul.
Bäyläneşle xäbärlär
İstanbulda Törkiyä-Greśiyä forumı
Çarada ike aradağı problemalarnı dialog yulı belän xäl itügä basım yasaldı