İlçelärneñ 15nçe iyül' belderüläre

Törkiyäneñ Priştinadağı ilçese Çağrı Sakar Kosova dairäläreneñ Fätxullaxçı terrorçı oyışması äğ’zalarına qarşı çaraların qanäğat’lek xise belän qabul itülären belderde. Ul 15nçe iyün’ Demokratiyä häm Milli berdämlek köne uñayınnan yasağan belderüendä tüntäreleş omtılışınnan soñ Kosova xalqınıñ Törkiyägä kürsätkän teläktäşlege häm yärdämeneñ üzläre öçen bik qaderle buluın belderde.

Avstraliyada Kanberra ilçelege, Sidney häm Mel’burn konsullıqları da bügenge data uñayınnan “15nçe iyül’ Demokratiyä häm Milli berdämlek köne” iskä alu çaraları oyıştırdı. Alarda watandaşlardan tış törle illärdäge wäkillär dä qatnaştı. Törkiyäneñ Kanberradağı ilçese Korxan Karakoç törek xalqınıñ ilbaşı Räcäp Tayyip Ärdoğan citäkçelegendä tüntäreleş kereşüen ciñep demokratiyä öçen köräşüen belderde. “Tınıç xalıqnı üterüdän çitensenmägän oyışmanıñ buluı Avstraliyä öçen dä yanaw,”-dide ul.

Törkiyäneñ Tokio ilçese Xäsän Murat Märcan da 15nçe iyül’däge xain tüntäreleş kereşüeneñ 4 yıllığında Yaponiyä-Törkiyä mönäsäbätlärenä bäyä birde. Ul ike ilneñ tışqı êşlär ministrlarınıñ yaqın êlemtäläre häm däwlätara söyläşülärneñ oyışmanıñ êçke yözen Yaponiyädä añlawlarına yoğıntı yasawın äytte. Märcan Yaponiyä xökümäte räise Abe Şinzo häm ilbaşı Räcäp Tayyip Ärdoğannıñ xezmättäşlegen assızıqladı. “Ärdoğan belän Abenıñ teläktäşlege häm söyläşüläre FETOnıñ Yaponiyädäge täêsiren kimette,”-dide ul.  

Törkiyäneñ Kuala-Lumpur ilçese Märvä Safa Kavakçı isä 15nçe iyül’ Demokratiyä häm Milli berdämlek köne uñayınnan yasağan belderüendä FETOnıñ mondağı barlığınıñ tulısınça yuq itelüen citkerde häm Malayziyägä bu nisbättän räxmät äytte.