15nçe iyül' çaraları

Fätxullaxçı terrorçı oyışmasınıñ tüntäreleş kereşüennän soñ 4 yıl ütte. Xain onmtılışnıñ bastırılu könen Törkiyä 4 yıl “Demokratiyä häm Milli berdämlek köne” bularaq bilgeläp ütä.

İl 15nçe iyül’ ciñüeneñ 4 yıllığında watan häm bayraq öçen küz dä yommıyça ülemgä qarşı barğan şähitlärne räxmät belän iskä ala.  

Törkiyä ilbaşı Räcäp Tayyip Ärdoğan 15nçe iyül’ programmasın ilbaşı rezidenśiyäse qarşındağı 15nçe iyül’ häykälenä zıyarättän başladı. “Ber millät, ber bayraq, berdänber watan häm berdänber däwlät”ne simvollaştıruçı 4 figuradan toruçı monumentqa ul xärbilär häm veterannar belän bergä çäçäk quydı.  

Soñınnan Ärdoğan Törkiyä Böyek Millät Mäclesendä uzuçı 15nçe iyül’ şähitlären iskä alu çarasında qatnaştı. Andağı çığışında ul 15nçe iyül’neñ bu cirlärdä ğasırlar buyı barğan qalu-betü köräşe çılbırınıñ iñ soñğı bocrası buluın assızıqladı. Ärdoğan ilgä höcüm itkän xainnarnıñ Törkiyä Böyek Millät mäclese binasın saylap alularınıñ oçraqlı bulmawına iğ’tibarnı cälep itte. “Ägär köçläre citsä ide, bu parlamentnı ber taşın da urınında qaldırmıyça cimerüdän çitensenmäyäçäklär ide, ışanığız. Ägär köçläre citsä ide, ilneñ ilbaşı häm xökümät başlığın da kertep, saylanğan barlıq idaräçelären üterüdän tayçınmayaçaqlar ide,”-dide ul.

İlbaşı 15nçe iyül’däge tüntäreleş kereşüeneñ ğadi bulmawın söyläde. “Bu artında bik küp xisaplar yäşerengän, tormışqa aşa qalsa tarixi borılış noqtası ide.  Üz mänfäğat’läre häm keremnäre öçen Törkiyäne utqa salırğa xäzer beräwlärgä cawap itep 15nçe iyül’ tönendäge şikelle, kiräk bulğanda, millätebez belän arqanı arqağa quyıp watanıbız, demokratiyäbez häm bäysezlegebezne yaqlayaçaqbız,”-dide Ärdoğan. Ul Mäcles tübäse astında xezmät itüçe härkemne böyek häm köçle Törkiyä däğ’wasına teräk bulırğa çaqırdı. “Äydägez, şähitlärebezneñ ämanäten bergä saqlıyq, äydägez, 2023nçe yıl maqsatlarına bergä barıyq,”-dide Törkiyä ilbaşı

Ärdoğan bügen şähitlärneñ ğailälären ilbaşı rezidenśiyäsendä qabul itäçäk. Axırdan anıñ xalıqqa möräcäğat’ itü çığışı kötelä.

“15nçe iyül’ Demokratiyä häm Milli berdämlek köne” qısalarında bıyıl il êçendä ministrlıqlar häm däwlät oyışmaları 1609, universitetlar - 521, ictimağıy oyışmalar - 108 çara oyıştıra. Çit illärdä isä 752 programma tormışqa aşırılaçaq.