Törkiyӓ ilbaşı Rӓcӓp Tayyip Ӓrdoğan dӓwlӓt şurası yuğarı mӓxkӓmӓse qararı belӓn muzey statusı ğamӓldӓn çığarılıp qabat ğıybadӓtkӓ açılğan Ayasofiya belӓn bӓyle xalıqqa mörӓcӓğӓt’ itte.

Ul Ayasofiyanıň hӓrkemgӓ açıq bulaçağın belderde.

Ӓrdoğan hӓrkemne bu qararğa xörmӓt kürsӓtergӓ çaqırdı, fiker belderüne uzıp kitkӓn gıybarӓ hӓm totışlarnıň bӓysezlekne bozu bularaq qabul itelӓçӓgen citkerde.

İlbaşı İstanbulnıň Ğosmanlı imperatorı Fatix Soltan Mӓxmӓt tarafınnan 1453 nçe yılda ciňep alınuınnan soň Ayasofiyanıň mӓçetkӓ ӓwerelderep torğızıluın xӓterlӓtep bügenge wazğiyӓt’ne “Bu 567 yıllıq xaqtır” dide.

Ӓrdoğan 86 yıldan soň 24 nçe iyül’dӓ comğa namazı belӓn bergӓ Ayasofiyanı ğıybadӓtkӓ açunı planlaştıruların da ӓytte.

İlbaşı Törkiyӓdӓ ğıybadӓt qılu öçen 435 çirkӓw hӓm sinagoga buluın xӓterlӓtep: “ Bu törlelegebezne baylıq itep kürgӓn aňlayışnıň çağılışı”,-dide.

Törkiyӓ ilbaşı çığışın “Ayasofiyanıň terelüe – Ӓl Ӓq’sanıň irekkӓ qawışuınıň xӓbӓrçese” digӓn süzlӓr belӓn tӓmamladı.