İyün'dä 2 million 750 meñ yulçı oçqan

Törkiyäneñ barlıq aêroportlarında uzğan ayda 2 million 750 meñ 992 yulçığa xezmät kürsätelgän.  Däwlät aêroportları idaräse ğomum mödirlege ğadäti tormışqa küçü prośessı başlanğan iyün’ ayındağı statistika kürsätkeçlären belderde.

Annan kürengänçä, aêroportlarğa töşep utırğan häm kütärelep kitkän oçqıç sanı 55 meñ 814 bulğan. Bolarnıñ 38 meñ 550se êçke reyslarğa qarıy, 8 meñ 210ı – xalıqara oçışlar, qalğanı – tranzitlar.  

İyün’ ayında Törkiyä aêroportlarında êçke terminal aşa 2 million 403, xalıqara terminaldan 346 meñ 448 yulçı uzğan. Şulay itep, älege ayda turı tranzit yulçılar belän bergä 2 million 750 meñ 992 keşegä xezmät kürsätelde.

Aêroportlardağı yök (poçta häm bagaj) xäräkäte uzğan ayda êçke reyslarda 25 meñ 925 tonna, xalıqara oçışlrda 89 meñ 248 tonna bularaq terkälde.