"Bez liviyale qardäşlär yanında"
Akar häm Gülerneñ Tripolidäge söyläşüläre däwam itä
Törkiyä saqlanu ministrı Xulusi Akar häm Ğomüm ştab başlığı, Armiya generalı Yaşar Güler Liviya başqalası Tripolida söyläşülären däwam itterä.
Liviyadäge törek ğaskäriläre belän küreşkän Akar Törkiyä belän Liviya arasında 500 yıllıq urtaq tarix, mädäniyät, añlayış häm ışanunıñ buluın belderep: “Monda citdi qıyınlıq, xaqsızlıq, ğadelsezlek bar ide. Bez dä monda atalarıbızğa kileşäçäk räweştä kildek. Xalıqara xoquq, ğadellek belän başqaraçaqlarnı cirenä citkeräbez. Liviyale qardäşlärebez yanında bulabız. Monnan berkem dä şiklänmäsen. Waz kiçü turında süz dä barmıy,” – dide.
Ministr Akar häm Armiya generalı soñınnan Urta diñgezdä wazıyfa başqaruçı Törkiyäneñ Diñgezdäge wazıyfa törkeme köymäse TCG Giresunnı barıp kürde.
Monda törek flotınıñ franŝuz xärbi köymäsen tınıçsız itüe turındağı däğwalarğa tuqtalğan Xulusi Akar monıñ çınlıqqa turı kilmäwen belderde.
