Çavuşoğlu 4nçe Brüssel' kiñäşmäsendä qatnaşa
Cıyılış süriyälelärne sıyındırğan illärgä finans yärdämnärne açıqlaw platforması
Törkiyä tışqı êşlär ministrı Mäwlet Çavuşoğlu bügen Awrupa Berlege häm BMO citäkçelegendä ütäçäk “Süriyä häm regionnıñ kiläçägenä teräk bulu” dip ataluçı 4nçe Brüssel’ kiñäşmäsendä qatnaşa. Ul videokonferenśiyä ısulı belän tormışqa aşırıla.
Tışqı êşlär ministrlığınnan belderülärençä, älege cıyılış süriyälelärne sıyındırğan illärgä karata töp finans yöklämälär platforması. “Kiñäşmädä donor illär häm başqa qızıqsınuçı yaqlar yasayaçaq finans kertemnären belderäçäk. Konferenśiyädä BMO yärdämendä Süriyä konfliktın säyäsi çişü yulların tabu êşçänlegenä teläktäşlek kürsätü häm Süriyädäge gumanitar wäzğıyät’ne qaraw da küzdä totıla,”-diyelä belderüdä.
Bolardan tış, xalıqara cämäğat’çelekneñ koronavirus kizüe çorında süriyälelär häm alarnı sıyındırğan illärgä teläktäşlegen arttıruı kötelä.
