"Liviyädäge berdänber ğadel keşe"

Franśiyä diplomatları Liviyädä namuslı êş yörtüçe berdänber keşeneñ Törkiyä ilbaşı Ärdoğan buluın belderä.  Bu xaqta franśuz jurnalı “Le Canard Enchaine” (lö kanar anşene) yazıp çıqtı.

“Liviyädä barı Törkiyä ğadel uynıy” dip ataluçı mäqalädä Franśiyä ilbaşı Êmmanuêl’ Makronnıñ “Törkiyäneñ Liviyädä xätär uyın alıp baruı” turındağı süzlärenä cawap itep qayber franśuz diplomatlarınıñ “Ärdoğan geopolitik, xärbi, neft’ häm tabiğıy gaz maqsatların yäşermiçä açıqtan-açıq uynawçı berdänber keşe. Bu Urta diñgez, Liviyä häm Kipr mäs’äläsenä dä qağıla” fikerendä buluı belderelä.

Xäbärdä, şulay uq, Liviyäneñ könçığışındağı qanunsız qorallı köçlärneñ liderı Xalifä Xafternıñ Rusiyä, Misır, Berläşkän Ğaräp ämirlekläre, Soğud Ğaräbstanı häm Franśyäneñ yärdämenä ışanuı citkerelä. Anda Liviyä xökümäteneñ, Törkiyä qatışuı näticäsendä, Xafternı ciñüe assızıqlana.