Törkiyägä ışanıç arttı

Kovid-19ğa qarşı çaralar Törkiyäneñ turizmda ışanıçlılığın arttırdı. Şveyśariyädäge Bötendön’ya tuğandaş şähärlär turizm berlege ğomum särqatibe Xösäyen Baraner şulay dip isäpli. Ul Anadolu agentlığına interv’yu birde.

Baraner dön’yanıñ üzençälekle çordan uzuın, turizmnıñ da şunıñ täêsire astında qaluın, ğadäti tormışqa qaytu öçen adımnar yasaludan soñ tarmaqqa canlılıq kerä başlawın söyläde.

Ul törek turizmında töp bazar bulğan Germaniyä häm Rusiyädäge säyäxät agentlıqları belän dialog alıp baruların äytte. Baraner Törkiyäneñ sälamätlek saqlaw tarmağındağı xezmäte dä, turizm tarmağında kürgän çaraları da könbatış illärendä ışanıç tudıruın assızıqladı.

Belgeç tizdän Germaniyä häm Rusiyä bazarında xäräkätlelek kötülären citkerde: “Bez söyläşkän säyäxät agentlıqlarınıñ wäkillärennän “Törkiyä barlıq standartlarnı cirenä citkerüe xaqında dokumentlar cibärde, bezne ışandırdı, bik tizdän xäräkätlelek başlayaçaq” digän fikerlär kilä”.

Baraner qunaqxanälärdä dä, turistlarnı qabul itüçe başqa urınnarda da kizü başlanğan könnän birle kisätü çaraları kertelüenä iğ’tibar cälep itte.  “Bügen Awrupa Törkiyäne xuplıy. Törkiyä monısın êşlämäde, tegesen êşli almadı dimilär. Bik yaxşı êşlädegez dilär. Hiçşiksez monıñ da turizmda çağılışı bulaçaq,”-dide ul.