Kanadadan Törkiyägä alıp qaytalar
Toronto şähärennän töreklär öçen maxsus reys oyıştırılaçaq
Törek hawa yulları Kanadadağı Törkiyä watandaşların êvakuaśiyäläw öçen irtägä maxsus säfär oyıştıraçaq.
Törkiyäneñ Toronto konsullığınnan yasalğan yazmaça belderüdä bolay diyelä: “Watandaşlarıbıznıñ küpsanlı sorawlarınnan soñ 8nçe iyün’ düşämbe könne cirle waqıt belän säğat’ 19.50dä THY tarafınnan Toronto-İstanbul maxsus reysı oyıştırılaçaq. Bu säfärgä barı tik Törkiyä cömhüriyäte watandaşları häm Törkiyädä yäşäw töxsäte bulğannar ğına alına”.
Belderüdä, şulay uq, oçış könne Kovid-19 bilgeläre bulğan yäisä annan alda virus diagnozı quyılğan keşelärneñ oçqıçqa kertelmäyäçäge äytelä. Qalğan yulçılar da Törkiyägä qaytqannan soñ 14 kön öydä karantinda utırırğa tiyeş.
Törek hawa yulları moña qadär Kanadadan Törkiyägä 3 êvakuaśiyä reysı oyıştırdı. Alar 8nçe häm 22nçe aprel’dä, soñğısı 4nçe iyün’dä bulğan ide. Anda barlığı 833 baliğ’ bulğan häm 15 bala yulçı watannarına qayttı.
