AQŞtağı törek jurnalistlarınıñ iminlege
Bu xaqta AQŞnıñ Änkaradağı ilçese belän söyläştelär
Törkiyä ilbaşı êlemtä idaräse räise Fäxretdin Altun AQŞnıñ Änkaradağı ilçese Dêvid Satterfild belän telefonnan söyläşte. Äñgämädä Amerika Quşma Ştatalarında TRT World häm başqa törek media kompaniyäläreneñ xezmätkärläre iminlege mäs’äläsendä borçılular äytelde, Vaşington idaräseneñ monı küz uñında totaçağı xaqında ışandıru süze alındı.
Fäxretdin Altun demokratiyälärdä tınıç protestlarnıñ qanunlı xoquq, ä köç qullanu, dähşätneñ qanunsız buluın tağın ber qat äytep uzdı. Ul AQŞta 25nçe maydan birle baruçı cimergeç waqıyğalarğa Fätxullaxçı terrorçı oyışma FETOnıñ da, Süriyädä PKK/YPG terrorçıları belän bergä xäräkät itüçe ANTİFAnıñ da teläktäşlek kürsätüen assızıqladı.
Oçraşuda Törkiyäneñ êlek tä AQŞnı törle säbäplär belän FETO häm PKK/YPG terrorçı oyışmaları xaqında duslarça kisätüe äytelde. Monnan tış, ilneñ NATO berlektäşe AQŞ belän barlıq terrorçı oyışmalar belän köräştä yaqın xezmättäşlek alıp baruı citkerelde.
