Törkiyädän azıq-tölek yärdäme
Äfğanstan, Ukraina häm Dağıstan Cömhüriyätenä yärdäm cibärelde
Törkiyä Äfğanstannıñ Xerat häm Nimruz vilayät’lärendä Ramazan ayı uñayınnan ixtıyacı bulğan 750 ğailägä 40 meñ tonna yärdäm tarattı.
Törki xezmättäşlek häm koordinaŝiya agentlığı räislege TİKAnıñ Xerattağı koordinatorı Ali Ergün Çınar yärdämnär belän bäyle yasağan açıqlawında här yıl Ramazan ayında bar dön’yada tradiŝion bularaq taratıluçı azıq-tölek yärdämeneñ bıyıl härwaqıttağıdan tağın da aşığıç häm möhim buluın belderde.
Koordinator 750 yärdäm paketınıñ ğailälär belän ber rättän yätimxanä, uquçılar tulay torağı, suqırlar cämğıyäte kebek törle oyışmalarğa ireşterelüen citkerde.
TİKAnıñ “Ukraina Azıq-tölek häm gigiyena programması” qısalarında isä Ukrainanıñ törle töbäklärendä yäşäwçe ixtıyac iyälärenä yärdäm paketı taratıldı.
TİKAdan yasalğan açıqlawğa kürä Ramazan ayınıñ teläktäşlek ruxın çağıldıru öçen azıq-tölek häm virusqa qarşı saqlanu materiallarınnan toruçı yärdäm Kiyev, Xerson häm Odessa töbäklärendäge 600 ğailägä ireşte.
Şul arada Törek Qızılayınıñ mediŝina yärdäme töyälgän yök maşinası Änkaradan Kovid-19 kizüennän täêsirlängän Dağıstan Cömhüriyätenä yulğa çıqtı.
Yärdäm 100 meñ bitlek, 20 meñ EN149 bitlek, 20 meñ saqlawçı kiyem, 22 meñ saqlawçı küzlek, daru, 5 sulış alu cihazı häm antiseptiklardan tora.
