Çavuşoğlu - Pompeo söyläşüe

Törkiyä tışqı êşlär ministrı Mäwlüt Çavuşoğlu belän AQŞ däwlät särqätibe Mayk Pompeo telefonnan söyläşü ütkärde. Söyläşüdä koronavirus kizüenä qarşı köräş mäs’äläse qaraldı.

Söyläşü belän bäyle Twitterda açıqlaw yasağan Pompeo: “Bügen Törkiyä tışqı êşlär ministrı Mäwlüt Çavuşoğlu belän Kovid-19ğa qarşı köräştä AQŞ-Törkiyä xezmättäşlegen söyläştek. Töreklär häm amerikannarnı üz illärenä qaytaru häm yärdäm mäs’älälärendä xezmättäşlek başqarırğa däwam itäçäkbez,” – dide.

AQŞ Däwlät departamentı süzçese Morgan Ortagus ta söyläşü belän bäyle yasağan yazma açıqlawında kizügä qarşı köräştä NATOnıñ rolenä dä basımnıñ yasaluın belderep, bolay dide: “Mayk Pompeo mediŝina yärdäme öçen Törkiyägä räxmäten belderde. Ayıruça Pompeo häm ministr Çavuşoğlu iqtisad häm iminlek mäs’älälärendäge ike yaqlı mönäsäbätlärne dä quzğattı.”