“Awrupa Berlege ber ük köymӓdӓ buluıbıznı aňlağandır dip uylıym”

Törkiyӓ ilbaşı Rӓcӓp Tayyip Ӓrdoğan Awrupa Berlege ideyasın tormışqa aşırğan Şuman deklaraśiyӓsen qabul itüneň 70 yıllığı uňayınnan yullama yasadı.

Ӓrdoğan yullamasında Berlekneň İkençe bötendönya suğışınnan soň Awrupanıň köllӓrennӓn yaňadan tuğan , illӓrneň ayırmaların hӓm doşmanlıqların çitkӓ quyıp , tınıçlıq, qurqınıçsızlıq , üseş hӓm çӓçӓk atu öçen berlӓşkӓnen iskӓ töşerep :”Bügen yӓnӓ ayanıç afӓt belӓn oçraştıq. Bu yulı bezneň urtaq doşmanıbız -virus. Ul çiklӓrne belmi hӓm bezneň sӓlamӓtlegebezgӓ genӓ tügel , ӓ iminlegebezgӓ , sośial ‘ tӓrtipkӓ hӓm humanitar bӓylӓneşlӓrgӓ dӓ qurqınıç tudıra. Bu kürenmi torğan keçkenӓ doşman bezgӓ berdӓm bulu, berdӓmlektӓ köçle bulu mӓğ’nӓsen qabat iskӓ töşerde “dide.

Awrupa Berlegeneň waqıtında hӓm döres adımnar yasap bu krizistan qotılaçağın belderüçe Ӓrdoğan: “Diskriminaśiya hӓm nӓfrӓt tele çitkӓ quyılsa,  Awrupanıň urtaq mӓnfӓgӓt’lӓre keçkenӓ sӓyӓsi uyınnar yӓki milli mӓnfӓğӓt’lӓr öçen qorban itelmӓsӓ, ğadel bulğanda bezne tağın da matur , yaxşı könnӓr kötüenӓ ışanam”-,dide.

Ӓrdoğan yullamasında Törkiyӓneň Awrupa Berlegenӓ tulı ӓğ’zalığınıň Berlekne global’ aktyerğa ӓwerelderӓçӓgen belderep , “Barlıq awrupalılarnı 9 nçı may – Awrupa köne belӓn tӓbrik itӓm”dide.  

Awrupa Berlegeneň Törkiyӓ delegaśiyӓse ӓlege yullama öçen Ӓrdoğanğa rӓxmӓtlӓren citkerde.