Ärdoğan xalıqqa möräcäğat’ itte
Törkiyädä 23 aprel' Balalar bäyräme qotlandı
Törkiyä ilbaşı Räcäp Tayyip Ärdoğan Törkiyä Cömhüriyäte Däwläteneñ berlek, berdämlek, qardäşlek häm teläktäşlek añlayışı östendä tözelüen äytte.
Ärdoğan 23 aprel’ Milli Möstäqıyl’lek häm Balalar bäyräme häm Törkiyä Böyek Millät Mäclese qorıluınıñ 100 yıllığı uñayınnan xalıqqa möräcäğat’ itte.
Çığışına Cömhüriyätneñ qoruçısı bulğan Mostafa Kemal Atatörek belän barlıq şähit häm ğazıylarğa räxmät belderep başlağan ilbaşı bolay dide: “Monnan näq ber ğasır êlek başqala Änkarada açılğan Böyek Millät Mäclesebez watanıbız yawlap alınğan çorda millätebezneñ häm däwlätebezneñ xörriyät öçen köräş üzäge buldı. Törkiyä Cömhüriyät Däwläte berlek, berdämle k, qardäşlek häm teläktäşlek añlayışı östendä tözelde. 23 aprel’ demokratiya, milli iradä, millät möstäqıyl’legeneñ iñ möhim simvolı bulıp tora.”
Ärdoğan 23 aprel’neñ törek milläteneñ balalarına birgän qıymmätneñ, yäşlärenä bulğan ışanıçınıñ da işaräte buluın assızıqladı.
Törkiyä ilbaşı törek milläten häm barlıq İslam dön’yasın Ramazan ayı belän täbrik itte.
Şul arada koronavirus çaraları arqasında bıyıl tantanasız uzğan qotlaw qısalarında bar Törkiyä cirle waqıt belän sägät’ 21.00da öyläreneñ balkonnarında Törkiyä gimnın uqıdı.
Ärdoğan bu mizgellärgä barlıq televideniye kanallarınnan ber törkem bala belän quşıldı.
