İlbaşı: “Kizü çaralarınıñ uñışın ala başladıq”

Törkiyä İlbaşı Ärdoğan dürtençe tapqır video konferenśiya ısulı belän ütkärgän kabinet cıyılışınnan soñ açıqlawlar yasadı.

Törkiyäneñ koronavirus belän köräşne 4 töp başça räweşendä alıp baruın belderüçe Ärdoğan: “Berençese, keşelär arasındağı sośial’ yıraqlıqnı täêmin itü. İkençese, sälamätlek saqlaw sistemasınıñ özleksez räweştä êşläwen täêmin itü. Öçençese, azıq-tölek häm çistartu äsbapları kebek töp xezmät ölkälärendä çeltärneñ aqsamawı. Dürtençese dä, cämäğät tärtibeneñ bozılmawı”, - dip äytte.

Törkiyäneñ hiçber mäs’älädä köteklege häm riskı bulmawın assızıqlawçı Ärdoğan xastaxanälärdä da ğadättän tış tığızlıqnıñ yäşänmäwen belderde häm: "Xastaxanälärdäge urın sanı yağınnan häm reanimaśiya belän intensiv terapiya mäs’äläsendäge xäzerge mömkinleklärebezne zuraytabız”, - dip äytte.

Küp sanda zapası bulğan kritik darularnıñ êşläp çığarıluına isä cirle firmalar belän başlanuına iğ’tibarnı yünältüçe Ärdoğan saqlanu sänäğätendä başqarılğan zur iniśiativanı mediśina cihazları häm daru belän ber rättän kritik böten ölkälärdä dä däwam itäçäklären assızıqlap äytep uzdı.

"Tıybi saqlaw äsbablarınıñ cirle citeşterelüe mäs’äläsendä dä möhim yul uzdıq. Sälamätlek saqlaw personalı cähätennän möhim bulğan N95 häm N99 bitlekläreneñ fil’trlarınıñ qamilläşterü barışı bette, sınap qarawları başlandı", - dip äytüçe Ärdoğan kiläse ay axırına qadär 5 meñ sulış cihazınıñ êşläp çığarılaçağı mäğ’lümaten citkerde.