Törkiyä - balalar ile
Xalıqnıñ 27,5%ın üsep kilüçe näsel alıp tora
1400155
Törkiyädäge balalar sanı ildäge tulayım xalıqnıñ 27,5%ın täşkil itä. Bu xaqta statistika oyışması belderde. Ul balalar belän bäyle 2019nçı yılğı sannarnı açıqladı.
Törkiyäneñ tulayım xalıq sanı uzğan yıl axırında 83 million 154 meñ 997 keşe buldı. Balalar isä 22 million 876 meñ 798 bularaq terkälde.
BMO bilgelämäläre buyınça 0-17 yäş’ arasındağılar bala sanala.
Awrupa Berlege illärenä kilgändä, alarda balalar uzğan yıl xalıqnıñ 18,6%ın täşkil itkän. Berlektä iñ küp balalı il İrlandiyä. Anda 17 yäş’kä qadärgelär tulayım xalıq sanınıñ 24,5%ın täşkil itä. Franśiyädä bu san - 21,7%. Angliyädä häm Şveśiyädä balalar 21,1%nı alıp tora.
Balalar sanı iñ az Awrupa Berlege illäre: İtaliyä – 16%, Mal’ta – 16,2% häm Germaniyä – 16,4%.
