Sälamätlek saqlaw ministrı vilayät mödirläre belän video cıyılış ütkärde
Sälamätlek saqlaw ministrı Fahrettin Koca yaña tör koronavirus (Kovid-19) belän kontaktta buluçılar izolyatśiyälänmäsä virusnı kontrol’ astına alu şansınıñ bulmayaçağın äytte
Koca 81 vilayät sälamätlek saqlaw mödire belän video konferenśiya ütkärde.
Cıyılışta Kovid-19 kizüenä qarşı vilayätlärdä alıp barılğan êşçänlek, xastalarnıñ torışı, däwalanu protokolları, intensiv terapiya urınnarınıñ tulılıq küläme häm xäzerge waqıttağı ixtıyaclar quzğatıldı.
Söyläşü waqıtında ministr Koca, pozitiv diagnoz quyılğannar belän kontaktta buluçılarnıñ bilgelänelüe mäs’äläsendä tiz xäräkät itelüeneñ zarurlığına basım yasap: "Bu çorda kontaktta bulğan keşelärne izolyatśiyälämäsäk awırunı kontrol’ itü mömkinlegebez bulmas. Şuña kürä iñ êlek kontrol’ itä alırğa tiyeşbez. İkençe bularaq kilgän xastağa irtä çaqta diagnoz quyılıp, irtä çaqta salınuı kiräkle xasta bulsa sırxawxanägä yäisä intensiv terapiya bülegenä ozatıluı, öygä cibärelep annan küzätelüe zarur awıru bulsa anı da tiz räweştä öygä cibärelep anda izolyatśiyälänelüen täêmin itü – bu däwerdä bik möhim”, - dip belderde.
