Törkiyädä tön urtasınnan başlap koronavirusqa qarşı yaña çaralar ğamälgä kerä

Kizü belän bäyle bularaq tözelgän Belem şurasınıñ kiñäşläre nigezendä, bäyläneşle oyışmalardağı bäyäläwlärdän soñ qararlar qabul itelüen belderüçe Ärdoğan bügen tön urtasınnan başlap yaña çaralarnıñ küreläçägen citkerde.

Monıñ nigezendä 20 yäş’tän keçeräklärgä uramğa çığu tıyılğan bulsa, 31 şähärgä maşina transportınıñ kerüe häm çığuı 15 kön buyı tıyıldı. Uramğa çığuı şart buluçılarğa häm küp keşe bulğan urınnarğa baruçılarğa bitlek kiyü mäcbüriyäte kiterelde.

Kisätülärne ütämiçä tiskäre xäräkät itüçelärneñ kiräkle administrativ häm cinayät’ cäzalarına tartılaçağın assızıqlawçı Däwlät başlığı: "Maqsatıbız watandaşıbızğa cäfa çikterü tügel, häm üz sälamätlegen, häm alar belän kontaktta buluçılarnıñ sälamätlegen ışanıç astına alu”, - dip äytte.

"Qağidälärne ni qadär yaxşılap ütäsäk, kizü barışın şul çaqlı kontrol’ astına alıp, yanawnı beterä alırbız”, - dip basım yasawçı İlbaşı: "İlebezdä tormışnıñ cayğa salınaçağı 83 million bularaq bezneñ qulıbızda”, - dip belderde.