Törkiyädä koronavirus belän köräştä yaña ısul

Törkiyä Qızılayı räise Käräm Kınık kiläse atnada plazma ala başlayaçaqların belderde. Ul İstanbulda ber qan märkäze laboratoriyäsendä onlayn matbuğat cıyılışı uzdırdı.

Kınık añlatuınça, Kovid-19 yoqtırğan häm annan terelgän keşelärneñ plazmalarınnan alınaçaq immunoglobulinnar, antitänçeklär äle xaman bu çirne ciñä almawçılarğa kerteläçäk. Qayber illärdä älege ısul belän däwalaw uñay näticälär birgän.

“Kiläse atnada plazma ala başlıybız. Çönki berençe xastalarıbıznıñ terelüennän soñ 14 kön uzuı kiräk,”-dide Kınık.

Ul Kovid-19dan älegä raslanğan vakśina bulmağanğa kürä qul astındağı mömkinleklärne qullanırğa tırışuların belderde.    

“Faydası dälillängän konvelsan plazma däwalaw ısulı ilebezdä başqa aldınğı däwlätlär belän ber ük waqıtta kön üzägenä kilde. Minemçä, bu dön’yadağı iñ uñışlı programmalardan berse bulaçaq. Xastalarıbız bu däwalawdan şifa alırlar dip ömetlänäbez,”-dip söyläde  Törkiyä Qızılayı räise.