Ärdoğan Tramp belän “Kovid-19”nı söyläşte
Törkiyä Däwlät başlığı Räcäp Tayyip Ärdoğan Amerika Quşma Ştatları İlbaşı Donal’d Tramp belän telefonnan söyläşte
1388667
Söyläşü waqıtında ike yaqlı mönäsäbätlär, regional’ mäs’älälär häm böten dönyanı yoğıntısı astına alğan yaña tör koronavirus (Kovid-19) kizüe quzğatıldı.
İke lider kizü belän köräşneñ barı tik global’ teläktäşlek häm xezmättäşlek belän genä uñışlı bula alaçağı fikerendä kileşte.
Törkiyä İlbaşı idaräseneñ êlemtä departamentınnan yasalğan belderügä kürä, ike lider ayıruça kizüneñ törle yoğıntılarınıñ kontrol’ astına alınuı öçen iñ yaxşı ğamällär belän mäğ’lümat häm täcribäneñ urtaqlaşuı öçen kiräkle adımnarnı yasaw qararına kilde.
Söyläşü belän bäyle bularaq Aq Yorttan yasalğan belderüdä isä Ärdoğan belän Trampnıñ "Süriyädä häm Liviyädä utnı tuqtatunı yaqlawnıñ êlekkegä qarağanda tağın da kübräk möhim buluına basım yasawları” turında äytelde.