"Berdäm bulu forsatı bu"

Törkiyä ilbaşı Räcäp Tayyip Ärdoğan kiçä videokonferenŝiya aşa G20 Liderlar sammitında qatnaştı.

Ärdoğan yasağan çığışında kizüneñ şaqtıy can aluına borçıluın äytep, fidaqarlarça wazıyfa başqaruçı barlıq sälamätek saqlaw xezmätkärlärenä räxmäten belderde.

Törkiyäneñ wazğiyät’ne baştan uq yaqınnan küzätep baruın häm kiräkle çaralarnı tiz räweştä kürüen citkergän ilbaşı bolay dide: “Dus häm qardäş illärne dä bu awır könnärdä yalğız qaldırmas öçen qulıbızdan kilgänne başqarabız. Bu kizüneñ barıbızğa da şuşı çınbarlıqnı xäterlätüenä ışanam, dinnärebez, tellärebez, illärebez törle bulsa da, barıbıznıñ da yazmışı urtaq. Berebez dä ber yaqlı säyäsät alıp bara almıy. İrekle, açıq häm qağıydälärgä tayanuçı xalıqara säwdä sisteması kizügä qarşı kürelüçe çaralarnıñ täêsiren azaytuda zur rol’ uynayaçaq. Bu qısada küreläçäk barlıq milli çaralarnıñ Bötendön’ya säwdä oyışması qağıydälärenä yaraqlı häm xalıqara xezmättäşlekne täşwik itüçe buluı bik möhim. Kizüneñ kontrole belän xastalıqnı tabu häm däwalaw mäs’äläsendäge berekmälärne urtaqlaşu zarur. Koronavirus kizüe G20 sammitınıñ xezmättäşlek häm kileşü ruxınıñ ähämiyäten tağın ber qat kürsätä. Şul arada min üzem dä üsep kilüçe illärgä häm ayıruça Afrikağa yärdäm kürsätü mäs’äläsenä ähämiyät biräm. Barıbızğa da yanawçı bu virusnıñ şul uq waqıtta bezgä keşelekneñ urtaq doşmanına qarşı berdäm bulu forsatın birüen dä äytergä telim. Bu fäläkät qarşında Törkiyä bularaq härwaqıttağıça teläktäşlek häm xezmättäşlek êçendä êş başqarırğa äzer bez.”