Törkiyädä koronavirusnıñ täwge oçrağı

Törkiyä sälamätlek saqlaw ministrı Fäxretdin Koca ildä täwge Kovid-19 oçrağınıñ terkälüen belderde.  “Koronavirus şöbhäse bulğan watandaşıbıznıñ test näticäse uñay çıqtı,”-dide ul. Älege keşe yuğarı temperatura häm yötkerü şiqayäte belän möräcäğat’ itkän bulğan.

 Xastanıñ virusnı Awrupadan alıp qaytuı bilgele. Tışqı dön’yadan tulısınça izolyaśiyälände. Awıru ir-at häm ğomumi xäle yaxşı. Ğailä äğ’zalarınıñ barısı häm yaqın êlemtädä bulğan barlıq keşelär küzätü astında häm härberse şöbhäle sanala,”-dip söyläde ministr.

Sälamätlek saqlaw ministrı Qıtaynıñ Uxan’ şähärendä 90 kön êlek päyda bulğan koronavirusnıñ başqa küp ilgä 1-2 atna êçendä ütep kerüenä, şunnan soñ bik tiz räweştä dön’yaga taraluına qaramastan, Törkiyäneñ älege prośessta zur uñışqa ireşüen assızıqladı.