Ärdoğan 1 million yevronı kire qaqtı
“Törkiyäneñ däräcäse belän uynarğa berkemneñ dä xoquqı häm wäqaläte yuq,”-dide ul.
İlbaşı Räcäp Tayyip Ärdoğan Awrupa Berlegeneñ möhacirlär öçen 1 million yevro cibärü täq’dimen kire qaqtı. “Törkiyäneñ däräcäse belän uynarğa berkemneñ dä xoquqı häm wäqaläte yuq,”-dide ul.
Ärdoğan êşlekle säfär belän Änkarağa kilgän Bolgariyä xökümäte räise Boyko Borisov belän bergä oyıştırılğan matbuğat oçraşuında möhacirlär belän bäyle belderülär yasadı.
Törkiyä ilbaşı anda Awrupağa möräcäğat’ itep bolay dide: “Xäzer bu könnärdä söyläşäbez, sezgä 1 million yevro cibäräbez, dilär. Kemne ışandırırğa mataşasız! Bez monnan soñ ul aqçağıznı da telämibez”.
Ärdoğan äytüençä, Awrupa Berlege äğ’zası illär çik buylarına taba baruçı möhacirlär mäs’äläsendä Törkiyäneñ yalğış êşläwen söyläp ikele standartlar ğamälgä aşıra. “Qayda ul ğadel yök häm cawaplılıq urtaqlaşu? Bu yökne bez genä kütäräseme? Bez bolay da 40 milliard dollardan artıq aqça tüktek,”-dide Törkiyä ilbaşı.
Bolgariyä xökümäte räise isä berkemneñ dä qapqada kötüce möhacirlär belän bäyle krizisnı kürmäwen söyläde. “Törkiyägä qaçaqlar belän bäyle çığanaqnıñ nişläp waqıtında birelmäwen añlamıym. Awrupa Berlegeneñ töp prinśiplarınnan berse - yökne urtaqlaşu,”-dide ul.
