Ärdoğan – Makron söyläşüe

 Törkiyä ilbaşı Räcäp Tayyip Ärdoğan Franśiya ilbaşı Êmmanuel’ Makron belän telefonnan söyläşte.

İlbaşı idaräseneñ êlemtä bülege xäbär itkänçä, alar İdlib mäs’äläse, Süriyä krizisı, Törkiyä – Franśiya mönäsäbätläre häm regional’ problemalar turında süz alıp bardı.

Törkiyä ilbaşı İdlibtäge Törkiyä berleklärenä oyıştırılğan xain höcümgä bik köçle räweştä cawap qaytarıluın belderde.

Ärdoğan NATOdağı ittifaq teläktäşlegen barı tik süzdä genä tügel, ğamäldä dä konkret räweştä kürergä teläwlären citkerde.

İlbaşı Ärdoğan “Süriyädä rejimnıñ höcümnäre däwam itkändä humanitar krizis tağın da tiränäyäçäk”dip belderde.

Törkiyä citäkçese qaçaqlar mäs’äläsendä Awrupa Berlege häm äğ’za illär berençe çiratta bulu belän bergä xalıqara cämäğät’çelekneñ cawaplılıqların cirenä citkerep Törkiyägä yärdäm qulı suzuı kiräklegen assızıqladı.

 Ul Törkiyädä 4 million qaçaq buluın, xäzerge waqıtta çik buyına tağın 1 million yarım qaçaqnıñ kilüen , böten töbäkneñ urtaq probleması bulğan süriyälelär öçen Franśiya häm Awrupadan konkret täq’dimnär häm yärdäm kötülärenä basım yasadı.