"Törkiyä qıymmätle berlektäş, hawadan saqlanunı yaqlawnı däwam itäçäkbez"
NATO ğomum särqatibe utırıştan soñ belderülär yasadı.
NATOnıñ Törkiyä taläbe belän cıyılğan Süriyä temalı ğadättän tış utırışı tögällände. Berläşmäneñ ğomum särqatibe Yens Stoltenberg şunnan soñ belderülär yasadı. “Bäşşar Äsad rejimınıñ İdlib töbägenä höcümnäre däwam itä. 2018nçe yılğı utnı tuqtatu kileşüenä aşığıç räweştä kire qaytırğa häm töbäktä qalğan keşelärgä yärdäm cibärergä kiräk,”-dide ul.
Stoltenberg Törkiyäneñ älege bäreleşlärdän iñ küp zarar kürgän NATO berlektäşe buluın assızıqladı. Ul hawadan saqlanu öçen yärdäm itäçäklären äytte.
Stoltenberg beldergänçä, barlıq berlektäşlär Törkiyägä teläktäşlek kürsätä. “Däwlätlär Törkiyä öçen tağın nilär êşli aluın qarıy,”-di ğomum särqatib.
Kiçä İdlibtä 33 ğaskäri şähit bulğan, 32se yaralanğan höcümnän soñ Törkiyä NATOnı ğadättän tış cıyılırğa çaqırdı.
