Yal itü öçen koronavirus qurqınıçı bulmağan illär isemlege

Angliyä gazetı “Daily Express” yal itü öçen koronavirus nisbätennän iñ imin 6 ilne atadı. İsemlektä Törkiyä dä bar.

Gazet 10nçı aprel’dä başlanaçaq Pasxa yalın çit illärdä uzdırırğa planlaştıruçılar öçen täq’dim sıyfatında dön’ya kartası bastırdı. Anda koronavirus yanawı qarşında iñ ışanıçlı 6 däwlät arasında Törkiyä dä kürsätelä.

Karta mediśina häm säyäxät belgeçläre tarafınnan illärdäge wäzğıyät’ häm virus terkälü oçraqlarına qarap tözelgän. Qurqınıç yanamağan illär yäşel tös belän bilgelänä. Törkiyä belän bergä yäşelgä buyalğan başqa däwlätlär - Pol’şa, Vengriyä, Meksika, Barbados häm Yamayka.