Tramp Ärdoğanğa räxmät äytte

AQŞ däwlät başlığı Donal’d Tramp şimbä könne Törkiyä ilbaşı Räcäp Tayyip Ärdoğanğa şaltıratıp räxmäten citkerde. Ul Süriyäneñ İdlib cirlegendäge tırışlıqlarnı yuğarı bäyäli.

Ärdoğan belän Trampnıñ äñgämäse xaqında Aq Yort süzçese urınbasarı Djadd Dir yazmaça belderü yasadı. Anda mondıy yullar bar: “İlbaşı Tramp Süriyäneñ İdlib töbägendäge dähşät öçen borçıluın äytte häm Ärdoğanğa Törkiyäneñ gumanitar faciğane buldırmıy qalu nisbätennän kürsätkän tırışlıqları öçen räxmäten citkerde”.

Belderüdä äytelgänçä, AQŞ däwlät başlığı söyläşü waqıtında Rusiyäneñ Äsäd rejimına yärdämen tuqtatuın häm Süriyädäge watandaşlar suğışına säyäsi çişeleş tabıluın teläwen dä äytep uzdı. Monnan tış, ul Liviyä mäs’äläsenä tuqtalıp, tışqı köçlärneñ tıqşınuınıñ xälne tağın da naçaraytaçağın qabat xäterlätte.