“Törkiyä wäkillege düşämbe könne Mäskäwgä kitä”

Törkiyä tışqı êşlär ministrı Mävlüt Çavuşoğlu düşämbe könne Törkiyä wäkillegeneñ Rusiyägä kitäçägen belderde.

 Ministr bu xaqta Myunxen’ dä Germaniya tışqı êşlär ministrı Xeyko Maas belän ütkärgän urtaq matbğat oçraşuında citkerde.

 Çavuşoğlu Maas belän oçraşuında İdlib mäs’äläseneñ dä kön tärtibenä kilüen, rejimnıñ İdlibtä säyäsi çişeleş urınına xärbi çişeleşka ışanuın häm soñğı waqıtlarda agressivlığın arttıruın belderde.  

Çavuşoğlu bu höcümnärne tuqtatu öçen Törkiyäneñ Rusiya belän zur köç quyuın belderep:” Düşämbe könne wäkillegebez Mäskäwgä kitä, küptän tügel Rusiya wäkillege Änkarada ide. Söyläşülärne däwam itteräçäkbez”,-dide.

Ministr utnu tuqtatu öçen bergä êşçänlek başqaru kiräklegen assızıqladı.

Çavuşoğlu xäzerge waqıtta Törkiyä çik buyına kilüçe keşelär öçen Germaniyanıñ da yärdäme belän briket öylär äzerlänüen, monıñ isä waqıtlıça çişeleş buluın belderde.

 Ul iñ möhim närsäneñ utnı tuqtatu täêmin itü buluına basım yasadı.