Akıncığa reakśiyälär

Törkiyä ilbaşı urınbasarı Fuat Oktay Tön’yaq Kipr Törek Cömhüriyäte ilbaşı Mostafa Akıncınıñ Angliya matbuğatına birgän interv’yusında Törkiyägä quşılu ixtimalın qurqınıç dip bäyäläwçe belderüläreneñ ilbaşı keşegä kileşmäwen belderde.

 Oktay bu xaqta tübändägelärne citkerde:” Härwaqıt Tön’yaq Kipr Törek Cömhüriyäteneñ yanında bulğan, xaq - xoquq häm mänfäğät’lären yaqlağan Törkiyä Cömhüriyäte xaqındağı süzlärne ğayeplim”.

Törkiyä Böyek Millät Mäclese başlığı Mostafa Şäntop isä Akıncınıñ belderüen “Olı tarixi xata” bularaq bäyäläde.

 İlbaşı idaräseneñ êlemtä bülege başlığı Fahrettin Altun Tön’yaq Kipr Törek Cömhüriyäte ilbaşı Akıncınıñ belderüen ğayepläp, “Şähitlärebezneñ ruxların üpkälätä torğan mondıy êçtälektäge belderülär törek milläte qarşında ber säyäsätçeneñ şäxsi qayğılarınıñ çağılışıdır” dide.

”Ğadälät häm qalqınu” partiyäseneñ ğomum başlıq wäkile Numan Kurtulmuş bu xaqta bolap dip belderde:” Tön’yaq Kipr Törek Cömhüriyäte ilbaşı sıyfatında yasalğan mondıy belderüne xuplaw mömkin tügel. Bu süzlär Kipr töreklärenä häm anda Törkiyäneñ tarix däwamındağı köräşenä ixtiramsızlıq. Bu süzlärne döres dip tapmıybız häm qabul itmibez”.

”Millätçe xäräkät” partiyäse ğomum başlığı Dävlät Bahçäli “Mostafa Akıncınıñ üz wazıyfasınnan ğafu ütenüen kötäbez”dide.