Hulusi Akar: “76 rejım äğ’zase täêsirsez xälgä kiterelde”
Milli saqlanu ministrı Hulusi Akar Süriyäneň İdlib töbägendä oyıştırılğan hawa xäräkätendä 8 şähit birelgännän soň yasalğan qarşılıqta 76 rejım äğ’zaseneň täêsirsez xälgä kiterelüen belderde
Hulusi Akar Ğomum ştab başlığı armiya generalı Yaşar Gülär häm xärbi köç komandirları belän bergä Süriyä çigeneň nol’ noqtasında Törek qorallı köçläreneň İdlib kiyerenkelekne azaytu töbägendäge êşçänlek idarä itelgän Xäräkät üzägendä açıqlawlar yasadı.
Akar: "Süriyä rejimı tarafınnan monnan aldağı tönne cirle waqıt belän säğät’ 01:13tä köçlärebezgä qarşı ut açıldı. Boyırıqlar nigezendä häm legal’ saqlanu qısalarında andağı köçlärebez rejim tämeklärenä qarşı şul uq mizgeldä köçle räweştä cawap birelde. Xäzergä çaqlı 54 rejim tämege ut astına alındı, törle çığanaqlardan alınğan mäğ’lümatlärgä kürä, xäzergä çaqlı 76 rejim äğ’zase, ğaskäriye täêsirsez xälgä kiterelde”, - dip äytte.
İdlibtä rejim köçläreneň hawa höcümendä 3se tınıç xalıqtan cämğise 8 keşe şähit buldı.
